Vos vos souv'nez d'èl ducasse dins ‘l vilâdje dè Vèznau avè ’s barake à frites pa-d'vant ‘l mézo comunâle ? On daloût ké in saclot avè ène bèle chiléye dè sauce yè in cèrvèla.

Il avoût ètou èl tir’ à pupes yè les balanswères pa-d'vant ‘l bouchi, èl pètit caroussel avè ‘l floche qu’i faloût dèscrochi du balon pou avwèr in toûr pou ri.

Lès cabarets nè désinplichène ni du vérdi au dimince. À Yite, ça stoût ‘l minme, in pus grand, yè sul place.

Il avoût co dès ducasses ayeû : à Waut’-Ite, al gare dè Vèznau, àl Bruyère, à Ghislain au plateau du tram yè minme au Roudj’-Bouton.

Vos vos souv'nez, què ça stoût bon ?

Mi d'ji m' souvis bi !